హుకుంపేటలో నాటు తుపాకీ కలకలం
విశాఖ జిల్లా హుకుంపేట పరిధిలోని రంగశీల గ్రామంలో అన్నదమ్ముల మధ్య.. రైతు భరోసా డబ్బులు తగాదా సృష్టించాయి. ఈ విషయంపై అన్నదమ్ములిద్దరు గొడవపడ్డారు. ఇద్దరికి భూమిపై సమానహక్కులున్నప్పటికి... అన్న... తమ్ముడికి సొమ్ము చెల్లించలేదు. డబ్బు చెల్లించాల్సిందిగా... సోదరుడు నిలదీశాడు. ఆగ్రహించిన అన్న... తమ్ముడిని నాటు తుపాకీతో కాల్చటానికి ప్రయత్నించగా... మరదలు అడ్డుగా వచ్చింది. ఘటనలో ఆమె తీవ్రంగా గాయపడింది. బాధితురాలిని చికిత్స నిమిత్తం కేజీహెచ్కు తరలించారు.