'ఓట్లు కొనుక్కునే వారి పట్ల అప్రమత్తంగా ఉండండి'

జనసేన విశాఖ ఎంపీ అభ్యర్థి వి.వి.లక్ష్మీనారాయణ జన్మదినోత్సవం విశాఖలో 'జె.డి.సైన్యం' ఆధ్వర్యంలో నిర్వహించారు. జీవించి ఉన్నప్పుడు రక్తదానం, మరణించిన తర్వాత అవయవదానం చేయడం సేవాధర్మమని ఆయన వ్యాఖ్యానించారు. డబ్బుతో ఓట్లు కొనుక్కునే వారి పట్ల అప్రమత్తంగా ఉండాలని ఓటర్లకు సూచించారు.

జనసేన విశాఖ ఎంపీ అభ్యర్థి వి.వి.లక్ష్మీనారాయణ జన్మదినోత్సవం విశాఖలో 'జె.డి.సైన్యం' ఆధ్వర్యంలో నిర్వహించారు. నగరంలోని ఎంవీపీ కాలనీ ఐ.ఐ.ఎ.ఎం ప్రాంగణంలో లక్ష్మీనారాయణ తన 54వ జన్మదినం జరుపుకొన్నారు. ఈ సందర్భంగా స్వచ్ఛంద రక్తదాన శిబిరం నిర్వహించి... నగరంలోని కింగ్‌ జార్జ్‌ ఆస్పత్రి రక్త నిధికి జనసేన కార్యకర్తలు అందజేశారు. రక్తదానం చేసిన లక్ష్మీనారాయణ... జీవించి ఉన్నప్పుడు రక్తదానం, మరణించిన తర్వాత అవయవదానం చేయడం సేవాధర్మమని వ్యాఖ్యానించారు. డబ్బుతో ఓట్లు కొనుక్కునే వారి పట్ల అప్రమత్తంగా ఉండాలని ఓటర్లకు సూచించారు. ఇవి కూడా చదవండి:ఓటును వినియోగించకపోతే.... ప్రజాస్వామ్యానికి విఘాతం!