విశాఖ బీచ్​రోడ్డులో ట్రాఫిక్ ఆంక్షలు

విశాఖ బీచ్​రోడ్డులో శనివాకం ట్రాఫిక్ ఆంక్షలు విధించారు. దీపావళి సందర్భంగా కొందరు బీచ్ రోడ్డులో బాణాసంచా కాల్చేందుకు ఆసక్తి కనబరుస్తున్నారు. ఈ క్రమంలో పోలీసులు పలు ఆంక్షలు విధించారు.

దీపావళి పండగ సందర్భంగా బీచ్‌రోడ్డులో శనివారం ట్రాఫిక్‌ ఆంక్షలు విధించారు. కొందరు బాణసంచాను బీచ్‌రోడ్డులో కాల్చేందుకు ఆసక్తి కనబరుస్తారు. దీంతో ఇతరులకు ఇబ్బందికర పరిస్థితులు ఏర్పడతాయని భావించిన పోలీసులు బీచ్‌రోడ్డులో వాహనాల రాకపోకలపై ఆంక్షలు విధించారు. శనివారం సాయంత్రం 5 నుంచి అర్ధరాత్రి 12 గంటల వరకు రామకృష్ణాబీచ్‌, నేవల్‌ కోస్టల్‌ బ్యాటరీ నుంచి పార్కు హోటల్‌ వరకు అన్ని రకాల వాహనాల రాకపోకలను నిషేధించామని ట్రాఫిక్‌ ఏడీసీపీ ఆదినారాయణ తెలిపారు. నగరవాసులు పోలీసులకు సహకరించాలని కోరారు.

ఇదీ చదవండి:దేశంలో మరో 44,684 మందికి కరోనా