సాగర గర్భంలో లక్ష్య ఛేదనకు 'వారుణాస్త్ర'

సముద్ర జలాల్లో నిర్దిష్ట లక్ష్యాన్ని సమర్థంగా ఛేదించగల భారీ టార్పెడోల నిర్మాణానికి బీడీఎస్-భారత నౌకదళం మధ్య ఒప్పందం కుదిరింది. ఈ టార్పిడోలు విశాఖ బీడీఎల్ యూనిట్​లో తయారుకానున్నారు. వారుణాస్త్రగా పిలుస్తోన్న ఈ టార్పిడోలు 42 నెలల్లో నౌకదళానికి అందించనున్నారు.

భారత నౌకాదళానికి అత్యంత బరువున్న టార్పెడోలు తయారు చేసేందుకు డీఆర్​డీవో శాస్త్రవేత్తలు ప్రణాళిక రూపొందిస్తున్నారు. వారుణాస్త్ర పేరిట తయారయ్యే ఈ టార్పెడోలు సముద్ర జలాల్లో నిర్ధిష్ట లక్ష్యాన్ని ఛేదించే సామర్ధ్యం కలిగి ఉంటాయి. వీటి తయారీకి భారత్ డైనమిక్స్ లిమిటెడ్(బీడీఎల్), భారత నౌకాదళం మధ్య రూ.1187.92 కోట్ల ఒప్పందం కుదిరింది. దిల్లీలో జరిగిన ఓ కార్యక్రమంలో బీడీఎల్ డైరక్టర్(టెక్నికల్) ఎన్.పి.దివాకర్, రక్షణశాఖ సంయుక్త కార్యదర్శి (మారిటైం, సిస్టమ్స్) నిధి చిబ్బర్​లు ఒప్పందంపై సంతకాలు చేశారు. విశాఖ బీడీఎల్ యూనిట్​ 42 నెలల్లో ఈ టార్పెడోలు నిర్మించనుంది.

డీఆర్​డీఓ పరిధిలోని విశాఖ ఎన్​.ఎస్.టి.ఎల్​లో మొదటిగా ఈ టార్పెడోలను ప్రయోగాత్మకంగా రూపొందించారు. అనంతరం వీటిని సముద్ర జలాల్లో దాదాపు ఏడాదిపాటు పరిశీలించారు. సముద్ర జలాల్లో నిర్దిష్ట లక్ష్యాన్ని ఛేదించడంలో ఈ టోర్పెడోలు సమర్థంగా పనిచేశాయి. వీటికి రక్షణ పరిశోధనా సంస్థ శాస్త్రవేత్తలు వారుణాస్త్రగా నామకరణం చేశారు. ప్రయోగాత్మక దశలో మంచి ఫలితాలను ఇచ్చినందున వీటిని నౌకాదళంలో వినియోగించాలని నిర్ణయించారు. ఫలితంగా రూ.1127 కోట్ల వ్యయంతో వీటిని దేశీయంగానే రూపొందించే కాంట్రాక్టును బీడీఎల్​కు లభించింది.