విశాఖ జిల్లా ఎస్ రాయవరం మండలం కాపుల వాతాడకు చెందిన దమ్ము శివ రెండేళ్ల క్రితం కొబ్బరి చెట్టు నుంచి కాయలు కోస్తున్న క్రమంలో కింద పడ్డాడు. నడుము భాగం కింద పనిచేయకపోవటంతో అప్పటి నుంచి మంచానికే పరిమితమయ్యాడు. తన వద్ద ఉన్న సొమ్ముతో చికిత్స చేయించుకున్నాడు. ఇంకా ఉన్న డబ్బంతా అయిపోవటంతో పూటగడవటానికే ఇబ్బందిగా ఉంది. ఈ పరిస్థితిని గమనించిన అనకాపల్లిలోని ఎ.ఎం.ఎ.ఎల్ కళాశాల విద్యార్థులు ఉదారత చాటుకున్నారు. అప్పటికే పలు సేవకార్యక్రమాలు నిర్వహిస్తున్న వీరు తనకు చేయూతనందించారు.
విద్యార్థులు పది లక్షల 60 వేల 208 రూపాయలు పోగు చేశారు. శివకు భార్య, 7 ఏళ్ల కుమారుడు, ఐదేళ్ల కుమార్తె ఉన్నారు. కుటుంబాన్ని పోషించే వ్యక్తి మంచానికి పరిమితం తీవ్రంగా ఇబ్బందులు పడుతున్నారని వారు తెలిపారు. ఈ విద్యార్థులు తొలుత ఆర్థిక సాయం 3వేల రూపాయలు అందించారు. అంతేగాక తనకు మరింత మంది నుంచి సాయం అందించేలా కృషి చేశారు. శివ పరిస్థితిని వీడియో తీసి దాతల సహాయం అందించాలి అంటూ సోషల్ మీడియాలో పెట్టారు.