విశాఖ ఉత్తరలో... విజయంపై భాజపా విశ్వాసం!

గడచిన ఐదేళ్లలో విశాఖ ఉత్తర నియోజకవర్గంలో తాను చేసిన అభివృద్ధిపై ప్రజల సంతృప్తిగా ఉన్నారని ఆ నియోజకవర్గ భాజపా అభ్యర్థి విష్ణు కుమార్ రాజు అన్నారు. ఎన్నికల ప్రచారంలో భాగంగా నియోజకవర్గంలోని 39వ వార్డులో పర్యటించారు.

గడచిన ఐదేళ్లలో విశాఖ ఉత్తర నియోజక వర్గంలో తాను చేసిన అభివృద్ధి పట్ల ప్రజల సంతృప్తిగా ఉన్నారని ఆ నియోజకవర్గ భాజపా అభ్యర్థి విష్ణు కుమార్ రాజు చెప్పారు. ప్రచారంలో భాగంగా నియోజకవర్గంలోని 39వ వార్డులోని పట్టాభీ గార్డెన్స్, ఎన్జీవోస్ కాలనీలో పాదయాత్ర చేశారు. ప్రజలను తనకే ఓటు వేయాల్సిందిగా అభ్యర్థించారు. రాష్ట్ర శాసన మండలి సమావేశాల్లో తాను 26 గంటలు ప్రసంగించానని.. ఇది చాలా మంది రాజకీయ నాయకుల తీరుకు భిన్నమని చెప్పారు. సదా ప్రజలకు సేవలో ఉండే తనను అధిక మెజార్టీతో గెలిపించాలని ఓటర్లను అభ్యర్థించారు.