అనకాపల్లి తెదేపా కార్యాలయం ప్రారంభోత్సవం వాయిదా

బుధవారం జరగాల్సిన అనకాపల్లి పార్లమెంట్ నియోజకవర్గ తెలుగుదేశం పార్టీ కార్యాలయ ప్రారంభోత్సవం వాయిదా పడింది. రేపు తెదేపా రాష్ట్ర వ్యాప్త బంద్​కు పిలుపునివ్వడంతో వాయిదా వేస్తున్నట్లు తెదేపా నేతలు ప్రకటించారు.

విశాఖ జిల్లా అనకాపల్లి పార్లమెంటు నియోజకవర్గ తెలుగుదేశం పార్టీ కార్యాలయం ప్రారంభం వాయిదా పడింది. తెలుగుదేశం పార్టీ జాతీయ ప్రధాన కార్యదర్శి నారా లోకేశ్​ చేతులమీదుగా బుధవారం కార్యాలయం ప్రారంభించాల్సి ఉండగా... మంగళవారం తాడేపల్లిలోని తెలుగుదేశం పార్టీ కార్యాలయంపై దాడి జరిగింది. అంతేగాక విశాఖ, తిరుపతిలో తెదేపా కార్యాలయాలపై దాడులు జరిగాయి. ఈ దాడులకు నిరసనగా బుధవారం రాష్ట్రవ్యాప్తంగా బంద్​కు తెలుగుదేశం పార్టీ పిలుపునిచ్చింది. ఈ నేపథ్యంలో కార్యాలయం ప్రారంభోత్సవాన్ని వాయిదా వేస్తున్నట్లు తెదేపా నేతలు చినరాజప్ప, బండారు సత్యనారాయణమూర్తి తెలిపారు.

ఇదీ చదవండి:

AP Bandh: వైకాపా దాడులు.. రేపు రాష్ట్రవ్యాప్త బంద్​కు తెదేపా పిలుపు