లాక్​డౌన్ ఎఫెక్ట్: అంబులెన్స్ డ్రైవర్ తొలగింపు

లాక్​డౌన్ నిబంధనలకు విరుద్ధంగా ప్రయాణీకులను అంబులెన్స్​లో తరలించిన డ్రైవర్​ను అధికారులు విధులు నుంచి తొలగించారు. ఈ ఘటన విశాఖ మన్యం పాడేరులో జరిగింది.

విశాఖపట్నం నుంచి పాడేరుకు అంబులెన్స్​లో నలుగురు ప్రయాణీకులను డ్రైవర్ రవికుమార్ తరలించారు. విషయం తెలుసుకున్న పాడేరు ఐటీడీఏ ప్రాజెక్టు అధికారి డీకే బాలాజీ అంబులెన్స్ డ్రైవర్​ను విధులు నుంచి తొలగించారు. నలుగురిని పాడేరు క్వారంటైన్ కేంద్రానికి తరలించారు. నిబంధనలు అతిక్రమించి అత్యవసర వాహనంలో ప్రయాణీకులను తరలించడం నేరమని అధికారులు హెచ్చరించారు.

ఇదీ చూడండి:పోలీసుల దాతృత్వం... విశాఖ ఏజెన్సీలో నిత్యావసరాలు పంపిణీ