విశాఖ ఆరిలోవ పోలీసు స్టేషన్లో లంచం తీసుకుంటూ ఎస్సై శ్రీనివాసరావు అనిశా అధికారుల వలకు చిక్కాడు. ఓ కేసుకు సంబంధించి బాధితుడి వద్ద నుంచి రూ. 7 వేలు లంచం తీసుకుంటుండగా స్టేషన్లో రెడ్ హ్యాండెడ్గా అధికారులు పట్టుకున్నారు.
ఆరిలోవలోని శ్రీ క్రాంతినగర్కు చెందిన బి. వైకుంఠరావు అనే వ్యక్తికి సంబంధించి ఓ కేసులో తన కుటుంబ సభ్యుల పేర్లను తొలగించి తనకు 41A (స్టేషన్ బెయిల్) నోటీస్ ఇచ్చేందుకు ఎస్సై శ్రీనివాసరావు లంచం డిమాండ్ చేశాడు. డబ్బుల కోసం ఎస్సై ఒత్తిడి తేవడంతో, లంచం ఇవ్వడం ఇష్టం లేని బాధితుడు అనిశాను ఆశ్రయించాడు. పక్కా ప్రణాళిక ప్రకారం ఇవాళ ఎస్సైకి స్టేషన్లో లంచం సొమ్మును బాధితుడు అందజేశాడు. అదే సమయంలో అక్కడే ఉన్న అనిశా అధికారులు సదరు పోలీసు అధికారిని పట్టుకున్నారు. విచారణ అనంతరం కేసు నమోదు చేయనున్నట్లు అనిశా సీఐ లక్షణమూర్తి తెలిపారు..