విశాఖపట్నం జిల్లా ఎలమంచిలి సబ్ జైల్లో ఈరోజు రిమాండ్ ఖైదీ మృతి చెందాడు. ఇటీవల నాటుసారా కేసులో అరెస్టయిన సూరంపూడి శివ (25) అనే వ్యక్తిని.. కోర్టు ఆదేశాల మేరకు ఎలమంచిలి సబ్ జైల్కు పోలీసులు తరలించారు. గత శుక్రవారం నుంచి శివ.. సబ్ జైల్లో ఉంటున్నాడు. ఈరోజు ఉదయం ఫిట్స్ రావడంతో జైలు సిబ్బంది ఇతనిని వెంటనే ఎలమంచిలి ప్రభుత్వ ఆసుపత్రికి తరలించారు. అక్కడ చికిత్స పొందుతూ మృతి చెందాడు.
కొక్కిరాపల్లి గ్రామానికి చెందిన శివ.. నాటుసారా తాగడానికి అలవాటు పడ్డాడు. ఈ క్రమంలో.. సారా తెచ్చుకుంటూ ఎక్సైజ్ పోలీసులకు పట్టుబడ్డాడు. ఇతనిపై కేసు నమోదు చేసి కోర్టుకు తరలించారు. రిమాండ్ లో ఉంటుండగా ఫిట్స్ రావడం తో చనిపోయాడని ఎలమంచిలి పట్టణ పోలీసులు కేసు నమోదు చేశారు మృతదేహానికి వైద్యుల బృందం శివ పరీక్షలు నిర్వహించారు. అనకాపల్లి ఆర్డీవో సీతారామారావు ఈ మృతిపై మెజిస్టీరియల్ విచారణ జరిపించారు.