నకిలీ ఫేస్​బుక్ ఖాతాతో 17 మంది యువతులకు వల

అతడు ఓ డ్రైవర్​. కానీ తాను డాక్టర్​ అంటూ యువతులతో పరిచయాలు ఏర్పరచుకుని లోబరుచుకునేవాడు. తర్వాత వేధింపులపర్వానికి తెరతీసి.. వారి నుంచి బంగారు నగలు, నగదును దోచుకునేవాడు.

విశాఖలో వైద్యుడిగా చలామణీ అవుతూ చాలా మంది మహిళలను ముగ్గులోకి దింపి వేధింపులకు గురి చేసిన మోసగాడి
గుట్టురట్టయింది. 17మంది యువతులు ఇతని బారిన పడినట్లు పోలీసులు గుర్తించారు.

కంచరపాలెంలో డ్రైవర్​గా పనిచేస్తున్న ఓ యువకుడు తప్పుడు వివరాలతో ఓ ఫేసుబుక్ ఖాతా తెరిచాడు.వైద్యుడిగా పరిచయం చేసుకుని​ యువతులను లోబరుచుకునేవాడు. వారితో సన్నిహితంగా ఉన్న సమయంలో ఫొటోలు, వీడియోలు తీసి వేధింపులకు గురి చేస్తుండేవాడు. ఈ విధంగా యువతలను బెదిరించి పెద్ద ఎత్తున బంగారు నగలు, భారీగా నగదు తీసుకున్నట్లు తెలుస్తోంది. అంతటితో ఆగకుండా వారి స్నేహితుల్ని తన లైంగిక వాంఛలు తీర్చేలా చేయాలని బాధితులను ఒత్తిడి చేసేవాడు. సుమారు ఆరు నెలలుగా ఈ తతంగమంతా సాగుతున్నట్లు గుర్తించారు. మాయగాడి వలలో పడిన బాధితురాలొకరు నేరుగా నగర పోలీస్ కమిషనర్​కు ఫిర్యాదు చేశారు. దీనిపై స్పందించిన పోలీసులు విస్తృతంగా గాలింపు చేపట్టి కంచరపాలెంలో నాలుగురోజుల క్రితం నిందితుడుని అదుపులోకి తీసుకున్నారు.