జోలపుట్ నుంచి 20 వేల క్యూసెక్కుల నీరు విడుదల
ఆంధ్రా - ఒడిశా సరిహద్దులో ఐదు రోజులుగా భారీ వర్షం కురుస్తోంది. జోలాపుట్, బలిమెల, డొంకరాయి జలాశయాలకు వరద నీరు చేరుతోంది. అప్రమత్తమైన ఏపీ జెన్కో అధికారులు... జోలాపుట్ జలాశయానికి చెందిన 4 గేట్లు ఎత్తి 20 వేల క్యూసెక్కులు, డొంకరాయి జలాశయానికి చెందిన 2 గేట్లను ఎత్తి 10వేల క్యూసెక్కుల నీటిని దిగువ ప్రాంతానికి వదిలారు. వరదనీరు పెరిగితే...మరిన్ని గేట్లు ఎత్తి నీటిని విడుదల చేసే అవకాశం ఉందని పర్యవేక్షక ఇంజినీరు సీహెచ్ రామ కోటి లింగేశ్వర రావు తెలిపారు. శబరి పరివాహక ప్రజలంతా అప్రమత్తంగా ఉండాలని కోరారు.