Tirupati Abhaya Kshetra Centre Anarchy: వైయస్సార్ జిల్లా జమ్మలమడుగు మండలం రాజీవ్ నగర్ కాలనీకి చెందిన వేణు గోపాల్ అనే విద్యార్థి తిరుపతిలోని అభయ క్షేత్ర మానసిక వికలాంగుల కేంద్రంలో చికిత్స తీసుకుంటున్నాడు. అక్కడి సిబ్బంది వేణుగోపాల్ని దారుణంగా చితకబాదిన ఘటన సంచలనం రేపింది. ఈ నెల 23న దీపావళి పండుగ కోసం కుమారుడిని ఇంటికి తీసుకువచ్చేందుకు తల్లి తిరుపతి వెళ్లారు. అక్కడి నుంచి తిరిగి వస్తుండగా తన కుమారుడి ఒంటిపై గాయాలను గమనించారు. గాయాలు ఎక్కువగా ఉండడంతో మంగళవారం జమ్మలమడుగు ప్రభుత్వ ఆసుపత్రికి తీసుకువచ్చారు. వైద్య సిబ్బంది దెబ్బలు ఎలా తగిలాయని ఆరా తీయగా.. విషయం వెలుగులోకి వచ్చింది. వేణుగోపాల్ను దారుణంగా కొట్టడంతో బాధిత విద్యార్థి తల్లి కన్నీరుమున్నీరయ్యారు.
విద్యార్థిని చితకబాదిన మానసిక విద్యాలయం యాజమాన్యం