ఆన్‌లైన్​లో బాసర అక్షరాభ్యాసాలు.. టికెట్‌ ధర ఎంతో తెలుసా..!

Basra Temple: తెలంగాణలోని బాసర సరస్వతీదేవి ఆలయంలో చిన్నారులకు చేయించే అక్షరాభ్యాసాలను ఆన్‌లైన్‌లో అందుబాటులోకి తేవాలని అధికారులు నిర్ణయించారు. ఈ మేరకు టిక్కెట్ ధరలను కూడా ఖరారు చేసినట్లు తెలిసింది. దీనిపై అనుమతి కోసం సంబంధిత కమిషనర్‌కు అధికారులు లేఖ రాశారు.

Basra Temple: తెలంగాణలోని ప్రఖ్యాత పుణ్యక్షేత్రం బాసరలోని శ్రీసరస్వతీ అమ్మవారి ఆలయంలో ఆన్‌లైన్‌ అక్షరాభ్యాసాలకు శ్రీకారం చుడుతున్న నేపథ్యంలో టికెట్ల ధరలను నిర్ణయించారు. దేశంలో నివసిస్తున్న వారితోపాటు.. విదేశాల్లో ఉన్నవారు కూడా ఆన్‌లైన్‌లో బుక్‌ చేసుకుంటే వారికి పూజచేసిన వస్తువులను తపాలాశాఖ ద్వారా పంపించడానికి ఏర్పాట్లు చేశారు. ఈ మేరకు టికెట్‌ ధరలు.. విదేశీయులకు రూ.2,516.. మన దేశంలో ఉన్నవారికి రూ.1,516గా నిర్ణయించినట్లు తెలిసింది.

ప్రధానంగా ఉత్సవాలకు భక్తులు అధిక సంఖ్యలో తరలివస్తుండటంతో చిన్నారులకు అక్షరాభ్యాసాలు ఆలస్యం కావడంతో పాటు సరైన సౌకర్యాలు కల్పించలేకపోతున్నారు. భక్తులు ఇబ్బందులను దృష్టిలో ఉంచుకొని ఆన్‌లైన్‌లో అక్షరాభ్యాసాలు, పూజలు ప్రారంభించాలని నిర్ణయించారు. వీటిని ఏవిధంగా చేయాలి తదితర అంశాలపై ఇటీవల ఆలయంలోని సిబ్బంది, వేద పండితులతో ఈఓ విజయరామారావు చర్చించారు. ఈ మేరకు ధరలను నిర్ణయించి అనుమతి కోసం కమిషనర్‌కు లేఖ రాశారు. అనుమతి రాగానే ఆన్‌లైన్​లో అక్షరాభ్యాసాలు, సరస్వతీపూజ, మూలానక్షత్రం, వేద ఆశీర్వచనం పూజలను కూడా చేయడానికి ఆలయాధికారులు సిద్ధమవుతున్నారు.

ఇవీ చదవండి: