శ్రీకాకుళం జిల్లా ఎచ్చెర్ల మండలం ముద్దాడపేట సమీపంలోని నాగావళి నది నుంచి ఇసుక తవ్వకాలు చేపట్టడంపై గ్రామస్థులు అభ్యంతరం వ్యక్తం చేశారు. రీచ్ల నుంచి ఇసుకను తరలిస్తున్న క్రమంలో.. సమీపంలోని భూముల్లో ఉన్న నీలగిరి, సరుగుడు పంటలు తీవ్రంగా దెబ్బతింటున్నాయని రైతులు ఆందోళన వ్యక్తం చేశారు.
ఇసుక లారీలను అడ్డుకుని నిరసన చేపట్టారు. 15 రోజులుగా భారీ వాహనాలతో ఇసుకను తమ ప్రాంతం నుంచి తరలించుకుపోతున్నారని ఆగ్రహం వ్యక్తం చేశారు. అధికారులు స్పందించి తమ సమస్యను పరిష్కరించాలని కోరారు.