తెదేపా-వైకాపా వర్గాల మధ్య ఘర్షణ... గ్రామంలో ఉద్రిక్తత

శ్రీకాకుళం జిల్లా శ్రీహరి నాయుుడపేటలో తెదేపా-వైకాపా వర్గాల మధ్య జరిగిన వాగ్వాదం... కొట్లాటకు దారితీసింది. ఇరు వర్గాలు ఒకరిపై ఒకరు దాడిచేసున్నారు. ఈ ఘటనతో గ్రామంలో ఉద్రిక్తత నెలకొంది. వైకాపా కార్యకర్తలపై తెదేపా వర్గీయులు దాడులు చేస్తున్నారని... స్థానిక ఎమ్మెల్యే జోగులు ఆరోపించారు.

శ్రీకాకుళం జిల్లా సంతకవిటి మండలం శ్రీహరి నాయుడుపేట గ్రామంలో తెదేపా-వైకాపా వర్గీయుల మధ్య తలెత్తిన వివాదం... కొట్లాటకు దారితీసింది. గ్రామంలో పైపులైన్ల పనుల విషయంలో ఇరుపార్టీల కార్యకర్తలు... ఒకరిపై ఒకరు దాడికి దిగారు. గొడవలో పలువురికి గాయాలయ్యాయి. ఈ ఘర్షణతో గ్రామంలో ఉద్రిక్త వాతావరణం నెలకొంది. స్థానికుల సమాచారంతో... పాలకొండ డీఎస్పీ రారాజుప్రసాద్ గ్రామానికి చేరుకుని పరిస్థితిని సమీక్షించారు.

గ్రామంలో ఎటువంటి అవాంఛనీయ ఘటనలు జరగకుండా ముందస్తు చర్యలు చేపట్టారు. వైకాపా కార్యకర్తలు పెద్దసంఖ్యలో సంతకవిటి పోలీస్​స్టేషన్​కు చేరుకుని ఆందోళన చేశారు. తెదేపా వర్గీయులు కూడా సంతకవిటికి రావడంతో... ఒక్కసారిగా ఉద్రిక్త వాతావరణం నెలకొంది. వైకాపా కార్యకర్తలపై దాడులు చేయడం అన్యాయమని... స్థానిక ఎమ్మెల్యే కంబాల జోగులు ఆరోపించారు. బాధ్యులపై కఠిన చర్యలు తీసుకోవాలని డిమాండ్ చేశారు.

ఇదీ చదవండి :సంతకవిటిలో వైకాపా, తెదేపా వర్గీయుల మధ్య ఘర్షణ