'పథకాలు అందరికీ అందాలి.. అందుకోసమే సచివాలయ వ్యవస్థ'

శ్రీకాకుళం జిల్లా సరుబుజ్జిలి మండలంలో సభాపతి తమ్మినేని సీతారాం పర్యటించారు. మండలంలోని కొండవలస, పెద్దపాలెం గ్రామాల్లో రైతుభరోసా కేంద్రాలు, నాడు-నేడు నిర్మాణ పనులను పరిశీలించారు. సీఎం జగన్ పరిపాలనలోకి వచ్చిన సంవత్సరంలోనే 90 శాతం హామీలు నెరవేర్చారని స్పీకర్ తెలిపారు.

ప్రభుత్వ సంక్షేమ పథకాలు ప్రతి పేదవాడికి అందాలనే లక్ష్యంతో వైకాపా ప్రభుత్వం సచివాలయ వ్యవస్థను ప్రవేశపెట్టిందని స్పీకర్ తమ్మినేని సీతారాం అన్నారు. శ్రీకాకుళం జిల్లా సరుబుజ్జిలి మండలం కొండవలస, పెద్దపాలెం గ్రామాల్లో సచివాలయం, రైతుభరోసా కేంద్రాలు, నాడు-నేడు నిర్మాణ పనులను పరిశీలించారు.

నిర్మాణ పనులు ఎట్టి పరిస్థితుల్లోనూ ఆగడానికి వీల్లేదని అధికారులకు సూచించారు. సీఎం జగన్ అధికారం చేపట్టిన సంవత్సర కాలంలోనే నవరత్నాల్లో చాలా హామీలు నెరవేర్చారన్నారు. జగనన్న గోరుముద్ద, జగనన్న విద్యా కానుక, నాడు-నేడు కార్యక్రమాలతో ప్రభుత్వ పాఠశాలలను కార్పొరేట్ స్కూళ్లకు దీటుగా మారుస్తున్నారన్నారు. ఈ కార్యక్రమంలో స్థానిక వైకాపా నాయకులు పాల్గొన్నారు.

ఇవీ చదవండి..