శ్రీకాకుళం జిల్లా పాలకొండ నగర పంచాయతీ పరిధిలోని ఆర్టీసీ డీపో ప్రధాన రహదారి వద్ద రోడ్డు ప్రమాదం జరిగింది. ఈ ఘటనలో ఓ వ్యక్తికి తీవ్ర గాయాలయ్యాయి. శ్రీకాకుళం నుంచి పాలకొండ వస్తున్న కారు… లారీని ఓవర్ టేక్ చేసే సమయంలో అటుగా వస్తున్న ద్విచక్ర వాహనం కారును ఢీకొంది.
ఈ ప్రమాదంలో బూర్జపాలవలస గ్రామానికి చెందిన ఓ యువకుడి తలకు తీవ్ర గాయమైంది. స్పందించిన స్థానికులు 108 వాహనానికి సమాచారం ఇచ్చారు. చికిత్స నిమిత్తం పాలకొండ ప్రభుత్వ ఆసుపత్రికి తరలించారు.