సిరి ధాన్యాలతో కలుగుతుంది... సంపూర్ణ ఆరోగ్యం
సిరి ధాన్యాలతో సంపూర్ణ ఆరోగ్యం కలుగుతుందని ప్రముఖ శాస్త్రవేత్త డాక్టర్ ఖాదర్ వాలి తెలిపారు. శ్రీకాకుళంలో నిర్వహించిన రైతు సదస్సుకు ఆయన హాజరయ్యారు. చిన్నయ్య ఆదివాసీ వికాస్ సంఘం ఆధ్వర్యంలో స్థానిక బాపూజీ కళా మందిర్‌లో ఈ కార్యక్రమాన్ని ఏర్పాటు చేశారు. రైతు నేస్తం ఫౌండేషన్ ఛైర్మన్ వెంకటేశ్వరరావు సదస్సులో పాల్గొన్నారు. ఉద్దానంలో కిడ్నీ వ్యాధి బాధితులకు.. ప్రకృతిలో లభించే పదార్థాలతో చేసే కషాయాలతో 9 నెలల్లో జబ్బు నయం అవుతుందని ఖాదర్ చెప్పారు. ప్రతీ ఒక్కరూ కషాయం, సిరిధాన్యాలను విధిగా వాడాలన్నారు. సామలు, అరికలు, కొర్రలు, ఊదలు, అండు కొర్రలు వంటిని ఆరోగ్యానికి దోహదం చేసే అద్భుతమైన ధాన్యాలని వివరించారు.