శ్రీకాకుళం జిల్లా లావేరు మండల కేంద్రం సమీపంలో ఉన్న జి.జి. వలస గ్రామానికి ఆనుకొని ఉన్న తోటల్లో అనధికారికంగా నిర్వహిస్తున్న కోడి పందెం శిబిరంపై పోలీసులు దాడులు నిర్వహించారు. ఈ దాడుల్లో 8 మందిని అదుపులోకి తీసుకుని వారి వద్ద నుంచి రెండు కార్లు, 6 ద్విచక్ర వాహనాలు, రూ.14,730 నగదు, మూడు పందెం కోళ్లను స్వాధీనం చేసుకుని విచారిస్తున్నారు.
ఈ పందెంలో పలు కోళ్లు కత్తిగాటుకు మృతి చెందాయి. ఈ కోడి పందేలను స్థానిక అధికార పార్టీ నాయకులు అధ్వర్యంలో నిర్వహిస్తున్నట్టు పలువురు తెలిపారు. అదుపులోకి తీసుకున్న వారిపై కేసులు నమోదు చేసినట్టు ఎస్సై విజయకుమార్ తెలిపారు.