రహదారుల అభివృద్ధిపై వైకాపా ప్రభుత్వం ప్రత్యేక దృష్టి సారించిందని రాష్ట్ర ఉప ముఖ్యమంత్రి ధర్మాన కృష్ణదాస్ అన్నారు. శ్రీకాకుళం జిల్లా నరసన్నపేటలో నాలుగున్నర కోట్ల రూపాయలతో నిర్మించ తలపెట్టిన ప్రధాన రహదారి అభివృద్ధి పనులను ప్రారంభించారు.
జిల్లాలో రోడ్లు భవనాల శాఖకు చెందిన ముఖ్యమైన 46 కిలోమీటర్ల రహదారుల అభివృద్ధికి 95 కోట్లు మంజూరు చేశామని తెలిపారు. అనంతరం కోటి ఇరవై లక్షలతో నిర్మించిన ఉప ఖజానా కార్యాలయాన్ని ప్రారంభించారు.