విశాఖపట్నం-రాజాం ప్రధాన రహదారి గారాచీపురుపల్లి కూడలి వద్ద ఎస్ఐ సూర్యకుమారి ఆధ్వర్యంలో పోలీసులు వాహనాలు తనిఖీ చేస్తుండగా ఒక కారు దూసుకెళ్లేందుకు ప్రయత్నించింది. అనుమానం వచ్చి ఆ కారును ఆపి అందులో ఉన్న మహిళలను అదుపులోకి తీసుకున్నారు. వారిని అనుమానితులుగా గుర్తించి విచారణ చేపట్టారు.
కారులోని మహిళలు కృష్ణా, ఖమ్మం జిల్లాలకు చెందిన వారిగా గుర్తించారు. వీరంతా ఒక ముఠాగా ఏర్పడి బంగారు దుకాణాల్లో నగదు తస్కరించడం పనిగా పెట్టుకున్నారు. జూలై 27న పాలకొండ, ఆమదాలవలస, రాజాంలోను.. జూలై 29న పలాసలో బంగారు దుకాణాల్లో బంగారం దొంగిలించినట్లు విచారణలో తెలిసింది.