జగనన్న విద్యా కానుక కిట్లు పంపిణీ

కార్పొరేట్ పాఠశాలలకు ధీటుగా ప్రభుత్వ పాఠశాలలను తీర్చిదిద్దేందుకు అమ్మ ఒడి, నాడు-నేడు, జగనన్న విద్య కానుక పథ‌కాలను సీఎం జగన్‌మోహన్‌రెడ్డి అమలు చేస్తున్నారని ఎమ్మెల్యే కిరణ్ కుమార్ అన్నారు.

శ్రీకాకుళం జిల్లా లావేరు, జి.సిగడం మండలాల్లో విద్యార్థులకు జగనన్న విద్యా కానుక కిట్లను ఎమ్మెల్యే కిరణ్ కుమార్ పంపిణీ చేశారు. ప్రతి విద్యార్ధికి ఏకరూప దుస్తులు, పుస్తకాలు, బూట్లు, బ్యాగ్‌తో పాటు అవసరమైన అనేక వస్తువులను అందించారు. అనంతరం దివ్యాంగ విద్యార్థులకు ట్రైసైకిళ్లను అందించారు. ఈ కార్యక్రమంలో తహసీల్దార్ దిలీప్ చక్రవర్తి, ఎంపీడీవో మధుసూదనరావు, ఎంఈఓ ఈశ్వరరావు, ఎచ్చెర్ల మార్కెట్ కమిటీ చైర్మన్ మాడుగుల రూపావతి, తదితరులు పాల్గొన్నారు.

ఇదీ చదవండి