నారాయణపురం ఆనకట్ట నుంచి సాగునీరు విడుదల

రంగరాయపురం వద్ద నారాయణపురం ఆనకట్ట నుంచి కుడి, ఎడమ కాలువలకు సాగునీటిని అధికారులు విడిచిపెట్టారు. దీని ద్వారా ఖరీఫ్​లో 37 వేల ఎకరాలకు సాగునీరు అందించేందుకు నీటి పారుదల శాఖ అధికారి గనిరాజు చర్యలు తీసుకున్నట్లు చెప్పారు.

శ్రీకాకుళం జిల్లా సంతకవిటి మండలం నారాయణపురం ఆనకట్ట నుంచి కుడి, ఎడమ కాలువలకు సాగునీటిని అధికారులు విడిచిపెట్టారు. ఖరీఫ్​ పంట పనుల కోసం 460 క్యూసెక్కుల చొప్పున ఇరు కాల్వలకు అధికారులు నీటిని విడుదల చేశారు. సుమారు 37 వేల ఎకరాలకు పూర్తిస్థాయిలో సాగునీరు అందించేందుకు చర్యలు చేపడుతున్నట్లు నీటి పారుదల శాఖ అధికారి గనిరాజు తెలిపారు. ప్రస్తుతం ఆనకట్ట వద్ద 8 వేల క్యూసెక్కుల వరద నీరు ఎగువ ప్రాంతాల నుంచి వచ్చినట్లు చెప్పారు.

ఇదీ చదవండి: