మద్యం తాగి పాఠశాలకు వచ్చిన ప్రధానోపాధ్యాయుడు
Headmaster came to school with drunk alcohol: విద్యార్థులకు విద్యాబుద్ధులు నేర్పాల్సిన ఓ ప్రధానోపాధ్యాయుడు.. పూటుగా మద్యం తాగి పాఠశాలకు వచ్చాడు. మద్యం తాగి వచ్చిన ప్రధానోపాధ్యాయుడు తిరుపతి.. కనీసం నిలబడలేని స్థితిలో ఉన్నాడు. మత్తులో జోగుతూ.. నేలపైనే కూర్చుండిపోయాడు. ఈ ఘటన శ్రీకాకుళం జిల్లా వంగర మండలం కొప్పారవలస ప్రాథమికోన్నత పాఠశాలలో జరిగింది. విషయం తెలుసుకొని పాఠశాలకు వచ్చిన విద్యార్థుల తల్లిదండ్రులు.. అతడిని ఆ స్థితిలో చూసి తీవ్ర ఆగ్రహం వ్యక్తం చేశారు. చదువు చెప్పాల్సిన మాస్టారు.. ఇలా ఉంటే పిల్లలను బడికి ఎలా పంపిస్తామని వాపోయారు. ఉన్నతాధికారులు స్పందించి చర్యలు తీసుకోవాలని డిమాండ్ చేశారు. వెంటనే మరొక మాస్టారిని పంపించాలని విద్యార్థుల తల్లిదండ్రులు కోరుతున్నారు.