గుసానిలో వడగళ్ల వాన
గురువారం ఉరుములు, మెరుపులతో కూడిన వడగళ్ల వాన ఒడిశా రాష్ట్రంలో గుసాని ప్రాంతంలో కురిసింది. పెద్ద ఎత్తున వర్షంతో పాటు వడగళ్లు పడటంతో రహదారులన్నీ ధవళవర్ణంలో కనువిందు చేశాయి. అప్పటివరకు ఉక్కపోతగా ఉన్న వాతావరణం.. వర్షం రాకతో ఒక్కసారిగా ఆహ్లాదకరంగా మారిపోయింది. మరోవైపు వడగళ్ల వాన పక్షులకు కష్టాలను మిగిల్చింది. వందల సంఖ్యలో విహంగాలు గాయాలపాలు కాగా, పదుల సంఖ్యలో మృత్యువాత పడ్డాయి. మృతి చెందిన తమ నేస్తాల వద్ద పక్షులు చేసిన అరుపులు చూపరులను కన్నీళ్లు పెట్టించాయి.