ఇటీవల కురుస్తున్న వర్షాలకు శ్రీకాకుళం జిల్లా పాలకొండ మండలం బీపీ రాజుపేట, సంపత్ రాపల్లి, గోపాలపురం గ్రామాల్లో పొలాలు ముంపునకు గురయ్యాయి. జంపరకోట గెడ్డలకు గండి పడి పొలాల్లోకి నీరు ప్రవేశించింది.
నారు మడులు సిద్ధం చేసుకున్న రైతులు తమ పొలాలు నీట మునిగాయని ఆందోళన చెందారు. పెట్టుబడులు సైతం నష్టపోయామని ఆవేదన వ్యక్తం చేశారు. అధికారులు స్పందించి గెడ్డలకు గండి పడకుండా చర్యలు తీసుకోవాలని వేడుకున్నారు.