'కొవిడ్​ విధుల్లో మరణించిన పోలీసులకు రూ.50 లక్షలు'

కొవిడ్​ విధి నిర్వహణలో పోలీసులు మరణిస్తే రూ.50 లక్షల పరిహారం ఇస్తామని రాష్ట్ర డీజీపీ గౌతం సవాంగ్​ తెలిపారు. శ్రీకాకుళం జిల్లాలో పర్యటించిన ఆయన.. రాష్ట్రంలో శాంతి భద్రతలు పూర్తిగా అదుపులోనే ఉన్నాయని స్పష్టం చేశారు.

రాష్ట్రంలో శాంతి భద్రతలు అదుపులో ఉన్నాయని డీజీపీ గౌతమ్ సవాంగ్ పేర్కొన్నారు. శ్రీకాకుళం జిల్లా పోలీసు కార్యాలయంలో ఆయన జిల్లా అధికారులతో అక్కడి పరిస్థితిని సమీక్షించారు. కొవిడ్​ సమయంలోనూ జిల్లా పోలీసులు బాగా పనిచేస్తున్నారని ప్రశంసించారు.

పోలీసు సంక్షేమానికి చర్యలు తీసుకుంటామన్న ఆయన.. కొవిడ్​ విధి నిర్వహించి పోలీసులు ప్రాణాలు కోల్పోతే రూ.50 లక్షలు పరిహారం ఇస్తామన్నారు. కరోనా కట్టడికి దేశం తీసుకుంటున్న చర్యలు.. ఇతర దేశాలకు ఆదర్శంగా ఉన్నాయని డీజీపీ అన్నారు. రాష్ట్రంలోని పరిశ్రమలకు మ్యాపింగ్​ చేస్తున్నామని చెప్పారు.

ఇదీ చూడండి: