వచ్చే ఎన్నికల్లో పోటీచేయను: ఉప ముఖ్యమంత్రి ధర్మాన

వచ్చే ఎన్నికల్లో పోటీ చేయబోనని ఉప ముఖ్యమంత్రి ధర్మాన కృష్ణదాస్‌ తెలిపారు. మిగిలిన వారికి అవకాశం ఇవ్వాలని భావిస్తున్నట్టు చెప్పారు.

శ్రీకాకుళం జిల్లా వైకాపా కార్యాలయంలో పార్టీ ముఖ్య కార్యకర్తల సమావేశంలో డిప్యూటీ సీఎం ధర్మాన కృష్ణదాస్​ మాట్లాడారు. 'ఎన్నికల్లో ఎంతో మంది పోటీ చేద్దామనుకుంటారు. అది అందరికీ సాధ్యపడదు. ఎన్నికల్లో చాలాసార్లు పోటీచేసినవారు ఉంటారు. అలాంటి వారు తప్పుకొని మిగిలినవారికి అవకాశం కల్పించాలి. అయితే మీకు ఓ సందేహం రావొచ్చు. ఇంత చెబుతున్న మీరు నాలుగైదు సార్లు గెలిచారు కదా? మీరెందుకు రాజకీయాల్లో కొనసాగుతున్నారని అనవచ్చు. నేను కూడా వచ్చే ఎన్నికల్లో పోటీ చేయను.' అని ధర్మాన వ్యాఖ్యానించారు.

ఇదీ చదవండి: