'పోలీసుల వైఖరి అమానుషం..హైకోర్టు తీర్పు సమంజసం'

దళిత వైద్యుడైన సుధాకర్​పై పోలీసుల దాడి అమానుషమని శ్రీకాకుళం జిల్లా దళిత హక్కుల పరిరక్షణ కమిటీ అధ్యక్షుడు బెవర రాము అన్నారు. ఆయన కేసును సీబీఐకి అప్పగిస్తూ హైకోర్టు ఇచ్చిన తీర్పు సమంజసమని తెలిపారు.

విశాఖ జిల్లా నర్సీపట్నం వైద్యుడు సుధాకర్​పై పోలీసుల వైఖరి అమానుషమని.. శ్రీకాకుళం జిల్లా దళిత హక్కుల పరిరక్షణ కమిటీ అధ్యక్షుడు బెవర రాము అన్నారు. సుధాకర్​పై దాడిని ఖండిస్తూ నరసన్నపేటలో అంబేడ్కర్ విగ్రహం వద్ద నిరసన చేపట్టారు. విగ్రహానికి పూలమాలలు వేసి నివాళులర్పించారు.

దళితుడైన డాక్టర్​ను నడిరోడ్డుపై చేతుల వెనక్కు పెట్టి దాడి చేయడం దారుణమని విమర్శించారు. ఈ కేసును సీబీఐకి అప్పగిస్తూ రాష్ట్ర ఉన్నత న్యాయస్థానం తీర్పు ఇవ్వడం పట్ల హర్షం వ్యక్తం చేశారు.

ఇవీ చదవండి.. బస్సు ఉంది.. ప్రయాణికులే లేరు!