శ్రీకాకుళం జిల్లాలో కరోనా కేసులు పెరుగుతున్నందున శ్రీకాకుళం, ఇచ్ఛాపురంలో పూర్తి స్థాయి లాక్డౌన్ అమలులోకి వచ్చింది. జిల్లాలోని గార, ఆమదాలవలస, బూర్జ, వీరఘట్టం, రాజాం, రణస్థలం, సీతంపేట, పాతపట్నం, మెళియాపుట్టి, హిరమండలం, నరసన్నపేట, పోలాకి, సారవకోట, టెక్కలి, కోటబొమ్మాళి, పలాస, వజ్రపుకొత్తూరు, కంచిలి, సోంపేట, కవిటిలో అంక్షలతో కూడిన లాక్డౌన్ అమలులో ఉంది.
ఈ ప్రాంతాల్లో మధ్యాహ్నం వరకే దుకాణాలకు అనుమతినిచ్చామని.. ఎవరైనా నిబంధనలు ఉల్లంఘిస్తే చర్యలు తీసుకుంటామని ఎస్పీ అమిత్ బర్దార్ ఆదేశాలు జారీ చేశారు. ప్రజలు అత్యవసరమైతే తప్ప బయటకు రాకుడదన్న ఎస్పీ...ప్రజలు అప్రమత్తంగా ఉండాలని ఆయన కోరారు.