సెలవులు 20 రోజులే.. క్వారంటైన్​కే 14 రోజులు

ఇచ్చిన సెలవులు 20 రోజులు.. అందులో 14 రోజులు క్వారంటైన్​కే వెళ్లాల్సి వస్తోందని.. కొంతమంది ఆర్మీ జవాన్లు రొడ్డెక్కారు. అధికారులకు చెప్పినా పట్టించుకోవడం లేదని ఆందోళన వ్యక్తం చేశారు.

శ్రీకాకుళం గ్రామీణ మండలం పాత్రునివలస క్వారంటైన్​లో ఉన్న ఆర్మీ జవాన్లు రోడ్డెక్కారు. రెండు రోజులుగా నిరసన తెలుపుతున్నా...అధికారులు స్పందించకపోవడంతో కాలి నడకన కలెక్టర్‌ను కలిసేందుకు శ్రీకాకుళానికి వచ్చారు.

బలగ సమీపంలోని పెట్రోలు బంకు వద్ద వీరిని పోలీసులు అడ్డుకున్నారు. ఆర్మీ జవాన్లు పోలీసుల మధ్య కాసేపు వాగ్వాదం జరిగింది. డీఎస్పీ మూర్తి వచ్చి నచ్చజెప్పి.. వీరందరిని మళ్లీ క్వారంటైన్​కు పంపించారు. 20 రోజుల సెలవుపై జిల్లాకు వచ్చామని.. 14 రోజులపాటు క్వారంటైన్​లో గడపాల్సి వస్తోందన్నారు. తమను హోం క్వారంటైన్​కు పంపించాలని కోరుతున్నారు.

ఇదీ చదవండి: భారత సైనికుల దెబ్బకు పరిగెత్తిన చైనా జవాన్లు!