శ్రీకాకుళం జిల్లా ఎచ్చెర్ల నియోజకవర్గం రణస్థలంలో.. అగ్రిగోల్డ్ బాధితులు నిరసన తెలిపారు. అగ్రిగోల్డ్ యాజమాన్యంపై చర్యలు తీసుకుని, ఆస్తులను ప్రభుత్వమే స్వాధీన పరుచుకోవాలని డిమాండ్ చేశారు.
బాధితులకు సొమ్ములు చెల్లించి న్యాయం చేయాలని కోరారు. సీఎంకు తమ గోడును వినిపించాలంటూ ఎమ్మెల్యే గొర్లె కిరణ్ కుమార్ కు రణస్థలం క్యాంపు కార్యాలయంలో అగ్రిగోల్డ్ బాధితుల సంఘం తరఫున వినతిపత్రం అందించారు.