శ్రీకాకుళం జిల్లా నరసన్నపేటలో మరో 500 మంది వలస కార్మికులకు పునరావాసం కల్పించేందుకు అధికారులు ఏర్పాట్లు చేశారు. ఇప్పటికే నరసన్నపేటలోని 4 కేంద్రాల్లో 414 మంది పునరావాసం పొందుతున్నారు.
మరో 500 మందికి వసతులు సిద్ధం చేయాలని ఉన్నతాధికారులు సిబ్బందిని ఆదేశించారు. ఈ మేరకు ప్రత్యేక అధికారి ఆర్.వెంకటరామన్ ప్రభుత్వ పాఠశాలను పరిశీలించి ఎంపిక చేశారు. వసతుల కల్పనకు సిబ్బందికి సూచనలు చేశారు.