బట్టలు ఆరేస్తుండగా విద్యుదాఘాతం.. మహిళకు తీవ్ర గాయాలు

మేడ మీద బట్టలు ఆరవేసే సమయంలో ప్రమాదవశాత్తు విద్యుదాఘాతానికి గురైన ఓ మహిళ తీవ్రంగా గాయపడింది. ఈ నేపథ్యంలో పక్కింట్లో మంటలు చెలరేగాయి. బీరువాలోని బట్టలు, నగదు అగ్నికి ఆహుతయ్యాయి. ఈ ఘటన శ్రీకాకుళం జిల్లా పాలకొండ పరిధిలోని ఇంద్రనగర్ కాలనీలో జరిగింది.

శ్రీకాకుళం జిల్లా పాలకొండ పరిధిలోని ఇంద్ర నగర్ కాలనీలోని ఓ ఇంట్లో విద్యుదాఘాతంతో మహిళ తీవ్రంగా గాయపడ్డారు. వీరఘట్టం మండలం విక్రంపూరం గ్రామానికి చెందిన బంగారమ్మ.. శుభకార్యం నిమిత్తం పాలకొండలోని బంధువుల ఇంటికి వచ్చింది. ఆమె బట్టలు ఆరవేయడానికి మేడపైకి వెళ్లింది. ఈ సమయంలో సమీపంలోని విద్యుత్ తీగలు తగలడంతో తీవ్రంగా గాయపడింది. ఆమెను వెంటనే పాలకొండ ప్రాంతీయ ఆస్పత్రికి తరలించారు. 60 శాతం మేర ఖాళీపోవడంతో మెరుగైన చికిత్స నిమిత్తం శ్రీకాకుళం తీసుకెళ్లాలని వైద్యులు సూచించినట్లు ఆమె బంధువులు తెలిపారు.

అయితే ఈ ఘటన నేపథ్యంలో పక్కింట్లో మంటలు చెలరేగాయి. స్థానికుల సమాచారం మేరకు ఘటనా స్థలానికి చేరుకున్న అగ్నిమాపక శాఖ సిబ్బంది.. మంటలను అదుపు చేశారు. బీరువాలో ఉన్న బట్టలు, నగదు అగ్నికి ఆహుతయ్యాయి.

ఇదీ చదవండి..