HULCHAL: శ్రీ సత్యసాయి జిల్లా కదిరిలో ఇద్దరు యువకులు హల్‌చల్ సృష్టించారు. బైక్‌పై రోడ్డను క్రాస్ చేస్తూ రాంగ్ రూట్లో వెళ్లిన యువకులు.. ఎదురుగా వస్తున్న బొలెరో వాహనాన్ని అడ్డగించారు. వాహనంపై దాడి చేసి.. అందులోని ప్రయాణికులతో ఘర్షణ పడ్డారు. ఎందుకు వాహనాన్ని వేగంగా నడుపుతున్నావంటూ గొడవపడ్డారు. యువకుల హంగామాను గమనించిన స్థానికులు.... వారికి సర్దిచెప్పేందుకు ప్రయత్నించారు. వారిపైనా యువకులు వాగ్వాదానికి దిగారు. యువకుల నిర్వాకంతో రహదారిపై ట్రాఫిక్ స్తంభించింది. ఇద్దరు యువకులను పోలీసులకు పట్టించేందుకు స్థానికులు ప్రయత్నించగా.. అక్కడి నుంచి జారుకున్నారు..
కదిరిలో యువకులు వీరంగం