చిత్రలేఖనంలో యువతి ప్రతిభ
DRAWING: జీవం ఉట్టిపడేలా అనేక రకాల చిత్రాలు గీస్తూ మన్ననలు పొందుతోంది ప్రకాశం జిల్లా దర్శి యువతి రత్నాకర మనీషా. పాఠశాల రోజుల్లోనే చిత్రలేఖనంపై ఆమెకు ఉన్న ఆసక్తిని గుర్తించి చిత్రలేఖన ఉపాధ్యాయుడు ప్రోత్సహించారు. అలా ఎక్కడా ప్రత్యేకంగా శిక్షణ పొందకపోయినా.. చిత్రకళపై పట్టు సాధించింది.
కరోనా సమయంలో తన చిత్రకళనే ఉపాధిగా మార్చుకుంది మనీషా. తన చిత్రాలను సోషల్ మీడియాలో ఉంచడంతో కొందరు తమకూ అలాంటి చిత్రాలు కావాలని అడిగేవారు. అలా తన విద్యనే ఉపాధిగా మార్చుకుంది మనీషా. ఇటీవల మంత్రి విడదల రజని పేరుతోనే గీసిన ఆమె చిత్రం పలువురి ప్రశంసలు అందుకుంది.