'కౌన్సిలర్ టికెట్ ఇస్తానని మోసం చేశారు'

పురపాలిక ఎన్నికల్లో వైకాపా తరపున కౌన్సిలర్​గా టికెట్ కేటాయిస్తామని చెప్పి మోసం చేశారని ఆరోపిస్తూ.. ప్రకాశం జిల్లా మార్కాపురంలో ఓ వైకాపా నాయకుడు ఆత్మహత్యకు యత్నించాడు. మెుదటి నుంచి పార్టీలో కష్టపడి పనిచేస్తున్నా.. తగిన గుర్తింపు రావటం లేదని వాపోయారు.

ప్రకాశం జిల్లా మార్కాపురం గడియారం స్తంభం వద్ద ఓ వైకాపా నాయకుడు పెట్రోల్ పోసుకొని ఆత్మహత్యకు యత్నించగా స్థానికులు అడ్డుకున్నారు. మొదటి నుంచి పార్టీలో కష్టపడి పనిచేస్తున్నా..తగిన గుర్తింపు రావటం లేదని పాపిరెడ్డి సుబ్బారెడ్డి అనే కార్యకర్త ఆవేదన వ్యక్తం చేశాడు. మార్కాపురం పురపాలిక ఎన్నికల్లో 2వ వార్డు కౌన్సిలర్ అభ్యర్థిగా మొదట తనకు టికెట్ కేటాయిస్తానన్న నాయకులు.. చివరకు వేరొకరికి ఇచ్చారని వాపోయారు.

ఇదీచదవండి: ముఖ్యమంత్రిని కలిసిన వైకాపా ఎమ్మెల్సీ అభ్యర్థులు