లెక్కల మాస్టారు కావాలంటూ పాఠశాలకు తాళం!

ప్రభుత్వ పాఠశాలలు బాగా లేవని...మూసివేస్తున్న రోజులివి. అందుకు భిన్నంగా ప్రకాశం జిల్లాలోని ఓ పాఠశాలలో గణిత ఉపాధ్యాయుడు కావాలంటూ గ్రామస్థులు పాఠశాలకు తాళం వేశారు. తమ పిల్లల చదవు నాశనమవుతుందని ఆందోళన వ్యక్తం చేశారు.

ప్రకాశం జిల్లా కోమరోలు మండలం రెడ్డిచర్ల గ్రామంలోని ఎంపీయూపీ పాఠశాలలో ముడేళ్లుగా గణిత ఉపాధ్యాయుడు లేరు. విద్యార్థులు తీవ్ర ఇబ్బందులు ఎదుర్కొంటున్నారు. చూసి చూసి ఆగ్రహించిన గ్రామస్థులు ఎస్​ఎఫ్​ఐ ఆధ్వర్యంలో పాఠశాల వద్దకు చేరుకుని ఆందోళన చేపట్టారు. విద్యార్థులను తరగతి గదుల నుంచి బయటకు పంపించి తాళం వేశారు. 3 ఏళ్ల క్రితం బదిలీ అయిన గణిత ఉపాధ్యాయురాలు డిప్యుటేషన్ పైన ఒంగోలు వెళ్లారు. ఇప్పటి వరకు ఈ పాఠశాలకు ఏ గణిత ఉపాధ్యాయుడిని ఎంఈఓ నియమించలేదు. పలుమార్లు అధికారుల దృష్టికి తీసుకెళ్లిన పట్టించుకోలేదని ఈ పని చేసినట్లు గ్రామస్థులు తెలిపారు. గణిత ఉపాధ్యాయుడిని నియమిస్తారా? లేదా? అంటూ పాఠశాల ముందు ధర్నా చేశారు.

ఇదీ చదవండి:ప్రజావేదిక స్వాధీనం... కలెక్టర్ల సమీక్షకు సన్నద్ధం