అప్పులు తీర్చలేక... గ్రామ వాలంటీర్ ఆత్మహత్య

అనారోగ్యానికి గురైన తండ్రి చికిత్స కోసం అప్పులు చేసి వాటిని తీర్చలేక ఓ గ్రామ వాలంటీర్ ఆత్మహత్య చేసుకున్నాడు.

ప్రకాశం జిల్లా కొరిశపాడు మండలం బొడ్డువానిపాలెంలో అప్పుల బాధతో ఓ గ్రామ వాలంటీర్ ఆత్మహత్య చేసుకున్నాడు. నూతలపాటి వెంకటకృష్ణ తండ్రి వైద్య ఖర్చులు నిమిత్తం 15 లక్షలు అప్పు చేశాడు. తండ్రి మరణించడంతో అప్పు ఎలా తీర్చాలన్న మనస్తాపంతో ఇంట్లోనే ఉరేసుకున్నాడని స్థానికులు తెలిపారు. పోలీసులు దర్యాప్తు చేస్తున్నారు.