ప్రకాశం జిల్లా చీరాల పట్టణంలో కరోనా కేసులు రోజురోజుకు పెరుగుతున్నాయి. శనివారం వరకు చీరాలలో 1138కేసులు నమోదైనట్లు అధికారులు తెలిపారు. పట్టణంలో ఇంత ప్రమాదకర పరిస్థితి ఉన్నా... ప్రజలు ఏ మాత్రం పట్టనట్లు నిర్లక్ష్యంగా వ్యవహరిస్తున్నారు.
పట్టణంలో ఉదయం నుంచి మధ్యాహ్నం 12 గంటల వరకు దుకాణాలు తెరుచుకునేందుకు అధికారులు నిబంధన విధించారు. స్థానికులు మాత్రం ప్రతి చిన్న పనికి ద్విచక్ర వాహనాలపై రోడ్డక్కుతున్నారు. ఫలితంగా.. ట్రాఫిక్ సమస్యలు సైతం తలెతుతున్నాయి.