ప్రకాశం జిల్లా అద్దంకి మండలం జర్లపాలెం గ్రామ శివారులో హత్య జరిగిన ఆనవాళ్ళు కలకలం రేపాయి. అదే గ్రామానికి చెందిన వీర రాఘవులు అనే వ్యక్తి కనపించకపోవటంపై కుటుంబ సభ్యులు ఆందోళన చెందుతున్నారు. సంఘటనా స్థలంలో వీర రాఘవులుకు చెందిన గుర్తింపు కార్డు, మరికొన్ని వస్తువులు లభించాయి.
అదే స్థలంలో నెత్తుటి మరకలు, కత్తిని పోలీసులు గుర్తించారు. ఘటనా స్థలానికి చేరుకున్న అధికారులు ఆధారాలు సేకరిస్తున్నారు. ప్రదేశంలో కారంపొడి చల్లినట్లు గుర్తించారు. వీరరాఘవులు భార్య ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. మరిన్ని వివరాలు విచారణలో వెల్లడవుతాయని పోలీసులు తెలిపారు.