ప్రకాశం జిల్లాలో ఘనంగా తెదేపా ఆవిర్భావ వేడుకలు

ప్రకాశం జిల్లాలో తెదేపా ఆవిర్భావ వేడుకలు ఘనంగా జరిగాయి. 40వ ఆవిర్భావ వేడుకల్లో పార్టీ జెండాను ఆవిష్కరించిన నాయకులు కేక్ కట్ చేసి శుభాకాంక్షలు తెలుపుకొన్నారు. జిల్లాలోని పలు ప్రధాన పట్టణాల్లోని కూడళ్లలో తేదేపా జెండాలను ఎగురవేసి నినాదాలు చేశారు.

తెలుగుదేశం పార్టీ 40వ ఆవిర్భావ దినోత్సవాన్ని పురస్కరించుకుని ప్రకాశం జిల్లా ఒంగోలులోని తెదేపా కార్యాలయం నందు వేడుకలను పార్టీ శ్రేణులు, కార్యకర్తలు ఘనంగా నిర్వహించారు. ఈ కార్యక్రమానికి ముఖ్యఅతిథిగా ఒంగోలు పార్లమెంట్ తెదేపా అధ్యక్షుడు నుకసాని బాలాజీ హాజరయ్యారు. తెదేపా నాయకులు కార్యకర్తలకు ఆవిర్భావ దినోత్సవ శుభాకాంక్షలు తెలిపారు. ఎన్టీఆర్ స్థాపించిన తెలుగుదేశం పార్టీ సిద్ధాంతాలకు కట్టుబడి ఉండాలని కార్యకర్తలకు ఆయన సూచించారు.

గిద్దలూరులో..

తెదేపా ఆవిర్భవించి 40 సంవత్సరాలు పూర్తి చేసుకున్న సందర్భంగా గిద్దలూరు తెదేపా కార్యాలయంలో వేడుకలు నిర్వహించారు. నందమూరి తారక రామారావు చిత్రపటానికి పూలమాలవేసి ఘనంగా నివాళులు అర్పించి.. పార్టీ జెండాను ఆవిష్కరించారు.

తెలుగువారి ఖ్యాతి తెలుగువారి సత్తా ఏంటో ప్రపంచవ్యాప్తంగా చాటిచెప్పిన గొప్ప నాయకుడు ఎన్టీఆర్ అని మాజీ ఎమ్మెల్యే ముత్తుముల అశోక్ రెడ్డి కొనియాడారు. కేవలం రెండు రూపాయలకే పేదలకు బియ్యాన్ని అందించడంతో పాటు.. ఆయన చేసిన ఎన్నో సంక్షేమ కార్యక్రమాలతో పేద ప్రజలకు ఆరాధ్యదైవంగా మారారని తెలిపారు. చరిత్ర ఉన్నంతకాలం తెలుగు రాష్ట్రాల ప్రజలు నందమూరి తారక రామారావును గుర్తుపెట్టుకుంటారని పేర్కొన్నారు.

కనిగిరిలో

కనిగిరి పట్టణంలో తేదేపా పార్టీ 40వ ఆవిర్భావ వేడుకలను తేదేపా శ్రేణులు ఘనంగా నిర్వహించాయి. మొదటగా తేదేపా కార్యాలయంలో పార్టీ వ్యవస్థాపకుడు, మాజీ ముఖ్యమంత్రి నందమూరి తారక రామారావు విగ్రహానికి పూలమాలలు వేసి నివాళులర్పించారు. అనంతరం కనిగిరి పట్టణంలోని పలు ప్రధాన కూడళ్లలో తేదేపా జెండాలను ఎగురవేసి నినాదాలు చేశారు.

చీరాలలో..

ఆంధ్రుల ఆత్మగౌరవాన్ని కాపాడటానికి పార్టీ పెట్టిన వ్యక్తి నందమూరి తారకరామారావు అని చీరాల తెదేపా నాయకులు అన్నారు. తెలుగుదేశం పార్టీ 40వ ఆవిర్భావ వేడుకలను చీరాలలో ఘనంగా నిర్వహించారు. పట్టణంలోని ఆర్టీసీ బస్ స్టాండ్ కూడలిలో ఉన్న ఎన్టీఆర్ విగ్రహానికి పూలమాలలు వేసిన తెదేపా నాయకులు.. పార్టీ జెండా ఎగురవేసి కేక్ కట్ చేశారు. ప్రజలకు మిఠాయిలు పంచిపెట్టారు.

యర్రగొండపాలెంలో..

తెలుగుదేశం పార్టీ ఆవిర్భావ దినోత్సవం సందర్భంగా యర్రగొండపాలెంలో వేడుకలు ఘనంగా నిర్వహించారు. త్రిపురంతాకం కూడలి వద్ద ఉన్న ఎన్టీఆర్ విగ్రహానికి పూల మాలలు వేసి నివాళులర్పించారు. ఈ కార్యక్రమంలో నాయకులు, కార్యకర్తలు పాల్గొన్నారు.

ఇదీ చదవండి: