మత్స్యకారులకే తెలియని వింత చేప... వాడరేవు తీరానికి కొట్టుకు వచ్చింది!

ప్రకాశం జిల్లా వాడరేవు సముద్రతీరానికి ఓ వింత చేప కొట్టుకు వచ్చింది. దానికి మూడు కళ్లు ఉన్నాయనీ.. నీళ్లల్లో వేస్తే రబ్బర్​లా సాగుతోందని మత్స్యకారులు ఆశ్చర్యం వ్యక్తం చేస్తున్నారు.

ప్రకాశం జిల్లా చీరాల మండలం వాడరేవు సముద్ర తీరానికి వింత చేప కొట్టుకొచ్చింది. వాడరేవు మత్స్యకారులు చేపల వేటకు సముద్రంలోకి వెళ్తుండగా.. సముద్ర అలల్లో తీరానికి కొట్టుకొచ్చిన వింతచేప కంటపడింది.. మత్స్యకారులు పరిశీలించగా ఆ వింత చేపకు మూడు కళ్ళు ఉన్నాయని.. ఆకారం విచిత్రంగా ఉందని, నీళ్ళల్లో వేస్తే రబ్బరులాగా సాగుతోందని వివరించారు.

సముద్రంలో వేటకు వెళ్ళినప్పుడు వివిధ రకాల చేపలు చూస్తుంటామని.. ఈరకం వింత చేపను చూడటం ఇదే మొదటిసారని వాడరేవు మత్స్యకారులు తెలిపారు. ఈ చేప క్వారల్స్ రకానికి చెందిన వింత జీవి అని మత్స్యశాఖ విశ్రాంత జేడి బలరామ్​చెబుతున్నారు.

ఇదీ చదవండి:పథకాల లక్ష్యాలను గడువులోగా పూర్తి చేయాలి : కలెక్టర్ పోల భాస్కర్