బోయినవారిపాలెంలో రాష్ట్రస్థాయి ఒంగోలు జాతి ఎడ్ల పోటీలు
ONGOLE BULLS: నూతన సంవత్సర వేడుకలు సందర్భంగా ప్రకాశం జిల్లా చీరాల మండలం బోయినవారిపాలెంలో రాష్ట్రస్థాయి ఒంగోలు జాతి ఎడ్ల పోటీలు ఉత్సాహంగా జరిగాయి. శ్రీ కృష్ణా యాదవ యూత్ ఆధ్వర్యంలో జరిగిన ఈ పోటీల్లో రాష్ట్రంలోని వివిధ ప్రాంతాల నుంచి వచ్చిన 33 ఎడ్ల జతలు పాల్గొన్నాయి. శనివారం సాయంత్రం 5 గంటలకు ప్రారంభమైన పోటీలు ...ఫ్లడ్ లైట్ల కాంతిలో ఆదివారం ఉదయం వరకు జరిగాయి. ఒంగోలు జాతి ఎడ్లను పరిరక్షిస్తున్న రైతులను ప్రోత్సహించేందుకు ఏటా జనవరి ఒకటో తేదీన పోటీలు నిర్వహిస్తున్నట్లు నిర్వాహకులు తెలిపారు. పోటీలను తిలకించేందుకు భారీగా ప్రజలు హాజరయ్యారు.