ఈ నెల 27న ముఖ్యమంత్రి ప్రకాశం జిల్లా యర్రగొండపాలానికి రానున్నారు. ఈ నేపథ్యంలో భద్రతా ఏర్పాట్లను.. జిల్లా ఎస్పీ మలిక గర్గ్ పర్యవేక్షించారు. విద్యా శాఖ మంత్రి ఆదిమూలపు సురేష్ కుమార్తె వివాహం ఈ నెల 17న హైదరాబాదులో జరగగా, 27న రిసెప్షన్ కార్యక్రమం యర్రగొండపాలెంలో జరగనుంది. ఈ కార్యక్రమానికి ముఖ్యమంత్రి హాజరై నూతన వధూవరులను ఆశీర్వదించనున్నారు.
ఇందులో భాగంగా.. హెలిప్యాడ్, వీఐపీ గ్యాలరీలు, వాహనాల పార్కింగ్ ప్రాంతం, రిసెప్షన్ జరిగే వేదికను ఎస్పీ పరిశీలించారు. ఎలాంటి ఘటనలూ జరగకుండా పటిష్ట బందోబస్తు, బారికేడ్లలను ఏర్పాట్లు చేయాలని అధికారులకు ఆదేశించారు.