ముచ్చట్లలో జనాలు... భౌతిక దూరంలో చెప్పులు!

బ్యాంకులో పని కోసం వెళ్లారు. క్యూలో నిలబడలేక వారి పాదరక్షలను భౌతిక దూరం పాటించేందుకు గీసి ఉంచిన గుర్తుల్లో పెట్టారు. అంతే... కరోనాను మర్చిపోయారు. ముచ్చట్లలో పడ్డారు. కొందరైతే కనీసం మాస్కులు కూడా ధరించలేదు. ఇంత నిర్లక్ష్యమైతే ఎలా.. అని స్థానికులు ఆందోళన చెందారు.

ప్రకాశం జిల్లా కురిచేడులోని యూనియాన్ బ్యాంకు వద్ద పాదరక్షలు భౌతిక దూరాన్ని పాటించాయి. బ్యాంకులో పనుల నిమిత్తం వచ్చిన వారు వరుసలో నిలబడలేక వారి చెప్పులను బ్యాంకు వారు ఏర్పరచిన భౌతిక దూరం గుర్తుల్లో ఉంచారు.

ఎండలకు వరుసలో నిలబడలేక వారి పాదరక్షలను అలా పెట్టి.. వారంతా పక్కన నీడలో కూర్చున్నారు. భౌతిక దూరాన్ని మరిచి ముచ్చట్లు పెట్టుకున్నారు. కొందరు మాస్కులు కూడా ధరించకుండా ఉన్నారు. పరిస్థితి ఇలాగే ఉంటే.. కరోనాను మన చేజేతులా స్వాగతించినట్టే అని.. స్థానికులు అభిప్రాయపడ్డారు.

ఇదీ చదవండి: