చీరాల మార్కెట్​లో శానిటైజర్ గేటు

కరోనాను నియంత్రించేందుకు అధికారులు పారిశుద్ధ్యంపై దృష్టి సారించారు. ప్రకాశం జిల్లా చీరాల కూరగాయల మార్కెట్ వద్ద కరోనా వైరస్ నిరోధక ద్వారాన్ని ఏర్పాటు చేశారు.

కరోనాను కట్టడి చేసేందుకు ప్రకాశం జిల్లా చీరాలలో అధికారులు ముందు జాగ్రత్త చర్యలు చేపట్టారు. చీరాల కూరగాయల మార్కెట్ వద్ద కరోనా వైరస్ నిరోధక ద్వారాన్ని ఏర్పాటు చేశారు. ఈ రహదారిలో వచ్చిపోయేవారిపై.. వైరస్ నాశక రసాయనాలు పైనుంచి తుంపరలు తుంపరలుగా పడుతుంటాయి. ఫలితంగా కరోనా నివారణకు అవకాశం కలుగుతుందని చీరాల మునిసిపల్ కమిషనర్ రామచంద్రారెడ్డి అన్నారు. మార్కెట్ రహదారిలొ వెళ్లే ప్రతి ఒక్కరూ ఈ ద్వారం నుంచే రాకపోకలు చేయాలని కోరారు.

ఇదీ చూడండి: