ప్రకాశం జిల్లాలో రోడ్డు ప్రమాదం.. ఎనిమిది మందికి గాయాలు

ప్రకాశం జిల్లా కనిగిరి మండలం యడవల్లి సమీపంలో.. జాతీయ రహదారిపై కారు బోల్తాపడింది. ఈ ప్రమాదంలో ఎనిమిది మంది గాయపడగా... చికిత్స నిమిత్తం ఒంగోలు ఆసుపత్రికి తరలించారు.

ప్రకాశం జిల్లా కనిగిరి మండలం యడవల్లి సమీపంలో జాతీయ రహదారిపై రోడ్డు ప్రమాదం జరిగింది. డ్రైవర్ నిద్రమత్తు వల్ల అదుపుతప్పిన కారు... రైలింగ్​ను దాటి పల్టీలు కొట్టి పక్కనే ఉన్న పొలాల్లోకి దూసుకెళ్లింది. కారులో ఉన్న ఎనిమిది మందికి గాయాలయ్యాయి. పూణే నుంచి మాచవరంలోని బంధువుల ఇంటికి వస్తుండగా... ఈ ప్రమాదం జరిగినట్లు స్థానికులు తెలిపారు. క్షతగాత్రులను చికిత్స కోసం ఒంగోలు ఆసుపత్రికి తరలించారు.

ఇదీ చూడండి: మద్యం తలకెక్కింది... బ్రేక్​ బదులు ఎక్స్​లేటర్​ తొక్కాడు..