ప్రకాశం జిల్లా కొరిశపాడు మండలం మేదరమెట్ల జాతీయ రహదారిపై 2 ద్విచక్ర వాహనాలు ఢీకొని ఒకరు మృతి చెందారు. ఈ ఘటనలో మరో ఇద్దరికి తీవ్ర గాయాలయ్యాయి. వెంటనే సమాచారం అందుకున్న హైవే అంబులెన్స్ సిబ్బంది.. గాయాలపాలైన వారికి ప్రాథమిక చికిత్స అందించారు.
మెరుగైన చికిత్స కోసం ఒంగోలు రిమ్స్కు తరలించారు. మృతుడిని జే.పంగులూరు మండలం రాణింగివరం గ్రామానికి చెందిన మహేశ్(22)గా గుర్తించారు. మేదరమెట్ల నుంచి శీతల పానీయాలు తీసుకువస్తుండగా ఈ ఘటన జరిగింది. పోలీసులు కేసు నమోదు చేశారు. మృతదేహాన్ని పంచనామా నిమిత్తం అద్దంకి ప్రభుత్వ ఆసుపత్రికి తరలించారు.